चवळीची शेंग पिवळी धम्मक अशी झळकते
तिपीतिपी ऊन , श्रावणाचे गान कंठात झुलते
पाऊल पाऊल उचलता काच बिंदोली सांडते
उभ्या बंधारयाच्या मनाला काहीसे चाटूनही जाते
सावळ्या मेघांचे आभाळात बन मन वेटाळते
तिला कुठलीशी जुनी आठवण पांघरून जाते
गोबरया गालाची मंजूळ बोलाची अश्शी हरखते
तिच्या निळ्याभोर अश्राप डोळ्यांना पाखरू वेढते !
-ना. धों. महानोर
Subscribe to:
Post Comments (Atom)
No comments:
Post a Comment